13 İyun 14:47 “AFFA kimi istəyirsə, onu da Premyer Liqaya gətirir” - MÜSAHİBƏ
FUTBOL xəbərləri 13 İyun 14:47
3407 baxış

“AFFA kimi istəyirsə, onu da Premyer Liqaya gətirir” - MÜSAHİBƏ

“Şüvəlan” klubunun vitse-prezidenti Vaqif Qasımovun apasport.az saytına müsahibəsi

 

- I divizionda mübarizə aparan “Şüvəlan”da işinizi davam etdirirsinizmi?

- Hərdən gedib gəlirəm. Hazırda stadionun ot örtüyünü dəyişirlər. Əsasən Milli Aviasiya Akademiyasında oluram.

 

- Komandaya nəzarət etmirsiniz?

- “Zirə”dən bir nəfəri icraçı-direktor vəzifəsinə gətiriblər. Bəzən oyunlara gedirəm. I diviziondu da, vacib bir məsələ yoxdu. Premyer Liqaya yüksəlməyə ümidimiz var idi. Amma AFFA kimi istəyirsə, onu da Premyer Liqaya gətirir.

 

- Klubunuz maliyyə durumu elitada oynamağa imkan verirdimi?

- Vallah, bilmirəm maliyyə durumu ilə əlaqədardı, yoxsa istəmirlər? Amma gələn ildən hər şey yaxşı olmalıdı. Gələn mövsüm komanda yüksək liqaya çıxmağa namizəd olacaq.

 

- Qorxmursunuz ki, gələn il də maliyyə durumu qaydasında olmasa, “Şüvəlan”ı Premyer Liqaya buraxmazlar?

- Xeyr, qorxmaq söhbəti yoxdu. Buraxmağına buraxacaqlar. Premyer Liqa ayrı turnirdi.

 

- Premyer Liqadan söz düşmüşkən, yəqin ki, çempionatın oyunlarını izləyirdiniz. Kənardan mənzərə necə görünürdü?

- 8 komandalı çempionat olar? Onların da 4-ü avrokuboka vəsiqə qazanır. Bilmirəm, buna cavabdeh olan yoldaşlar nə fikirləşirlər? Futbolçu yüksək liqada oynamasa, heç vaxt inkişaf edə bilməz. Çünki orda göz qabağında olurlar. Kimdi gedib I divizionun oyunlarına baxan? Milli komandanın qarşıdakı turnirlərdə necə çıxış edəcəyini bilmirəm. Vaxtilə çempionatda 22 komanda mübarizə aparıb. Başqa hansı ölkədə 8 komandalı çempionat var? Bununla yığma inkişaf edə bilməz. Şəxsən mənim Qurban Qurbanova yazığım gəlir. Çünki kim varsa, əlinin altında olanlardı. Seçim etmək imkanı yoxdu. Yüksək liqada ən azı 12 komanda çıxış etməlidi ki, gənclər də oynaya bilsinlər.

 

- Klubların çoxunu AFFA maliyyələşdirir. Axı heç kim sponsor olmaq istəmir...

- Gəncəni futbolsuz qoymaq düzgün idimi? “Sabah”dansa, imkan verərdilər, “Kəpəz” oynayardı. Stadiona əl gəzdirmişdilər, azarkeşləri bütün oyunlara gəlir. AFFA elə Gəncə futboluna kömək edərdi də.

 

- Amma AFFA klubları maliyyələşdirməsə, 2-3 komanda qalar...

- Problem elə buna görədi. Ümumiyyətlə, maliyyələşdirmə assosiasiyanın işi olmamalıdı, bu, düzgün deyil. Xaricdə şirkətlər klublara sponsorluq etməkdən ötrü növbəyə dururlar. 3 il əvvəl imkanı olmayan klublara hökumət tərəfindən təxminən 3 milyon manat məbləğində köməklik edilməsi məsələsi gündəmə gəlmişdi. Bu, çox yaxşı olardı. “Formula-1” yarışına nə qədər pul xərclənir. Onun 10 faizini futbola ayırmaq olar. Çünki ölkəni daha çox futbolla tanıyırlar. Diqqət yetirin, hazırda bütün dünya Rusiyadakı dünya çempionatı haqda danışır, böyük ajiotaj var. Futbol belə idman növüdü.

 

Ruslan SADIQOV

Xəbər lenti