20 Sentyabr 18:37 "Coşquna dedim ki, get özünə yer tap, daha evə gəlmə" - Şahin Diniyev
FUTBOL xəbərləri 20 Sentyabr 18:37
5047 baxış

"Coşquna dedim ki, get özünə yer tap, daha evə gəlmə" - Şahin Diniyev

“Yaxşı mübarizəli, qollu, azarkeşləri sevindirəcək oyun oldu. Necə planlaşdırmışdıqsa, penaltiyə qədər elə də oynadıq. İkinci hissədə isə planı dəyişdik”. Apasport.az saytının məlumatına görə, bu sözləri “Kəpəz”in baş məşqçisi Şahin Diniyev deyib.

 

Topaz Premyer Liqasının V turu çərçivəsində öz meydanında “Qarabağ”ı qəbul edən gəəncəlilərin baş məşqçisi 2:3 hesablı məğlubiyyətlə bitən oyun haqqında fikirlərini bölüşüb:

 

“Qarabağ” kimi komandaya qarşı açıq futbol oynamaq ölümə bərabər bir şey olsa da, biz qorxmadıq. Qol vurmaq, oyunu xilas etmək üçün irəli atıldıq. İkinci hissədən razıyam. Düşünürəm ki, fərdi səhvlərdən sonra qollar buraxdıq. Mənə elə gəlir ki, “Qarabağ”la oyun hər bir oyunçu üçün, məşqçi üçün bir dərslikdir. Bu komanda ilə oyundan sonra üstün cəhətləri və səhvləri aydın görmək mümkündür. Heyətdə çatışmazlıqlar var. Mən hər  dəfə ehtiyat oyunçulara baxanda matçı dəyişmək üçün adam axtarırdım. Düşünürəm ki,  futbolçular bu cür azarkeş dəstəyi qarşısında oynamağa borcludurlar”.

 

Təcrübəli baş məşqçi “Qarabağ”ın heyətində çıxış edən oğlu Coşqun Diniyevin fərqlənməsinə də münasibət bildirib:

 

“Oyunda ilk qolu Coşqun vurdu. Sizə bir söz deyim. Mən övladlarımın oyununa baxmağa gedəndə həmişə kiçik oğluma azarkeşlik edirdim. Bu gün biri mənə mesaj göndərmişdi. Yazmışdı ki, hər üç Diniyevə uğurlar arzu edirəm. Cavabım isə belə oldu: “2 Diniyevə uğurlar, digərinə can sağlığı arzula”. Oyundan sonra Coşquna zarafatyana dedim ki, get özünə yer tap, daha evə gəlmə. Sözsüz, bütün bunlar zarafatdır. Futbolçu meydançaya çıxıbsa, öz oyununu oynamalıdır. Coşqun da bu işi gördü. Həm qol vurdu, həm də qol ötürməsi verdi”.

Xəbər lenti