10 Sentyabr 08:41 “Oğlum “Qəbələ”də layiqli oyun göstərsə, milliyə çağırılacaq”
FUTBOL xəbərləri 10 Sentyabr 08:41
5354 baxış

“Oğlum “Qəbələ”də layiqli oyun göstərsə, milliyə çağırılacaq”

“Vitalini Ukrayna yığmasına zəif çempionata getdiyi üçün çağırmırlar? Mən belə düşünmürəm və bu məsələdə sizinlə mübahisə etməyə hazıram”. Apasport.az saytı xəbər verir ki, bu sözləri Ukraynanın “Zarya” klubunun baş məşqçisi Yuri Vernidub deyib.

 

“Qəbələ”nin futbolçusu Vitali Vernidubun atası ölkəsinin mətbuatına verdiyi müsahibədə oğlu ilə bağlı da danışıb.

 

Vitalinin Ukrayna yığmasına daha çağırılmamasına toxunan Yuri Vernidub hər şeyin oğlunun özündən asılı olduğunu deyib. O bildirib ki, “Qəbələ” heç də zəif komanda deyil: “Oğlumun formasını geyindiyi “Qəbələ” klubu Avropa Liqasının qrup mərhələsinə vəsiqə qazandı. Bundan əlavə, Azərbaycan Premyer Liqasının cari mövsümündə çempionluq uğrunda mübarizə aparırlar. Əgər Vitali turnir cədvəlində ortabab və ya aşağı yerlərdə qərarlaşan komandada oynasaydı, sizinlə razılaşardım. Odu ki, oğlumun “Qəbələ”yə keçidində mənfi amil görmürəm. Əgər layiqli oyun göstərsə, Azərbaycanda oynaya-oynaya da onu Ukrayna yığmasına çağıracaqlar. Axı Anatoli Timoşuku Qazaxıstana gedəndən sonra da milliyə dəvət edirlər. Düz deyilmi?”.

 

 

Xəbər lenti