21 Oktyabr 22:57 Qurban Qurbanov: Qrupun favoriti digər üç komandadı
FUTBOL xəbərləri 21 Oktyabr 22:57
3549 baxış

Qurban Qurbanov: Qrupun favoriti digər üç komandadı

“Sabah çox çətin oyun olacaq. “Monako” dünya futbolunda həmişə özünəməxsus stili olan bir komanda kimi tanınıb. Hər zaman fərqlənən, yüksək yerlər uğrunda oynayan kollektivdi”. Apasport.az saytının məlumatına görə, bu sözləri “Qarabağ”ın baş məşqçisi Qurban Qurbanov deyib.

 

UEFA Avropa Liqasının qrup mərhələsinin III turunda səfərdə “Monako” ilə qarşışalacaq ağdamlıların baş məşqçisi oyunöncəsi mətbuat konfransında qarşılaşma haqqında fikirlərini bölüşüb: “Qrupda 2-ci pillədə qərarlaşmağımıza baxmayaraq, növbəti mərhələyə adlamaq baxımından digər üç komanda favoritdi. Hər halda, onların zəngin təcrübəsi belə düşünməyə əsas verir. “Monako” ilə ardıcıl oyunların həlledici olacağını düşünmürəm. Fikrimcə, son tura qədər komandalar arasında mübarizə davam edəcək. Ona görə də indidən nəsə söyləmək çətindi. “Monako” sonradan ulduza çevrilən futbolçular yetişdirməklə adından söz etdirə bilib”.

Xəbər lenti