12 İyul 22:12 “Şanssız tərəf siz idiniz” - Paolo Amodio
FUTBOL xəbərləri 12 İyul 22:12
2268 baxış

“Şanssız tərəf siz idiniz” - Paolo Amodio

“Qələbəyə layiq olduğumuzu düşünürəm. Bütün oyun boyunca mübarizə apardıq”. Apasport.az saytının məlumatına görə, bu sözləri “Proqres”in baş məşqçisi Paolo Amodio deyib.

 

UEFA Avropa Liqasının I təsnifat mərhələsinin ilk oyununda səfərdə “Qəbələ” ilə qarşılaşan Lüksemburq təmsilçisi 2:0 hesablı qələbə qazanıb.

 

Matçdan sonra mətbuat konfransında iştirak edən qonaq komandanın çalışdırıcısı fikirlərini bölüşüb: “Müdafiədən oynayıb şansımızı gözlədik. Futbolda da şans əsas məsələdi. Bu axşam bizim bəxtimiz gətirdi. Şanssız tərəf siz idiniz”.

 

- Meydanda gözlədiyiniz rəqibi gördünüzmü?

- “Qəbələ” haqqında danışmaq istəmirəm. Biz bura rəqibi tanıyaraq hazırlıqlı gəlmişdik.

 

- “Proqres” ilk hissədə müdafiədə oynasa da, ikinci hissədə hücuma keçdi. 45 dəqiqə kəşfiyyat üçün bəs etdi?

- Bizim bir planımız var idi və 90 dəqiqə boyunca onu tətbiq etdik. Yorulduq, amma şansımızdan yararlandıq.

 

- Sanki “Qəbələ”nin fiziki gücü zəif idi. Rəqib komandanın ikinci oyuna daha hazır olacağını düşünürsüzmü?

- Biz də onlar kimi, bir həftə məşq edəcəyik və hazır olacağıq.

 

- Özünüzü artıq ikinci mərhələdə hiss edirsiz?

- Biz “Qəbələ”nin gücünü bilirik və belə rahat düşünə bilmərik. Onları gözləyirik, ikinci oyun sıfırdan başlayacaq.

Xəbər lenti