31 Avqust 10:50 Yığmamız mövqeyini qorudu, Kolumbiya gerilədi
FUTBOL xəbərləri 31 Avqust 10:50
970 baxış

Yığmamız mövqeyini qorudu, Kolumbiya gerilədi

Futzal üzrə milli komandaların reytinq siyahısı açıqlanıb. Apasport.az saytının məlumatına görə, avqustun son cədvəlində cüzi dəyişikliklər olub.

 

Paraqvay millisi 3 pillə irəliləyərək ilk “10-luğ”a daxil olub. Kolumbiya isə eyni qədər geriləyib.

 

Azərbaycan millisi hesabat dövründə iki oyun keçirsə də, komandamızın xal hesabı dəyişməz qalıb. Belə ki, Türkmənistan üzərində böyükhesablı qələbələr (5:0, 6:2) yığmamıza təsir etməyib.

 

Hazırda komandamızın hesabında 1354 xal var. Faustino Peresin yetirmələri bu göstərici ilə siyahının 14-cü pilləsində qalıb.

 

Siyahıya yenə İspaniya başçılıq edir – 1922 xal. 10 xal itirən Braziliya 1900 xalla 2-ci, Rusiya 1746 xalla 3-cüdü.

 

AVRO-2016-nın pley-off mərhələsində yığmamızın rəqibi olan Slovakiya 1 pillə irəliləyib. Rəqibimiz hazırda 1219 xalla 23-cüdü.

 

DÇ-2016-nın seçmə mərhələsindəki rəqiblərimizdən Xorvatiya və Belarus isə mövqeyini qoruyub. Balkanlılar 1340 xalla dünyanın 15-ci komandasıdı. Hazırda Bakıda toplanışda olan və yığmamızla yoxlama oyunları keçirəcək belaruslular isə 1230 xalla 22-ci pillədə yer alıb.

 

Dünyanın ən güclü 20 millisi

1. İspaniya - 1922

2. Braziliya - 1900

3. Rusiya – 1746

4. İtaliya - 1721

5. Argentina – 1620

6. İran - 1611

7. Portuqaliya - 1596

8. Ukrayna – 1494

9. Paraqvay - 1433

10. Çexiya - 1412

11. Yaponiya – 1403

12. Kolumbiya - 1403

13. Sloveniya – 1360

14. AZƏRBAYCAN – 1354

15. Xorvatiya - 1340

16. Rumıniya - 1335

17. Serbiya - 1318

18. Tailand - 1295

19. Özbəkistan - 1272

20. Qazaxıstan - 1260

 

Xəbər lenti