8 Oktyabr 10:43 Yığmamızın ikinci səfəri
FUTBOL xəbərləri 8 Oktyabr 10:43
493 baxış

Yığmamızın ikinci səfəri

Bu gün 21 yaşadək futbolçular arasında Avropa çempionatının seçmə mərhələsində növbəti oyunlara start veriləcək. Apasport.az saytının məlumatına görə, Azərbaycan millisinin mübarizə apardığı VII qrupun qarşılaşmaları sabah baş tutacaq.

 

4-cü matçına çıxacaq yığmamız Avstriya ilə görüşəcək. Sankt-Polten şəhərinin “MV Arena” stadionunda baş tutacaq görüş millimizin cari tsikldə 2-ci səfər oyunudu.

 

Mərhələyə Farer adalarındakı 1:0 hesablı qələbə ilə başlayan Yaşar Vahabzadənin yetirmələri Bakıda aldığı ardıcıl iki məğlubiyyətdən sonra növbəti xalını qazanmağa çalışacaq. Komandamız evdə 0:2 hesabı ilə uduzduğu avstriyalıların liderlik arzusunu əngəlləmək üçün rəqib meydanından xalla dönməlidi. 

 

Avstriya isə yalnız top fərqində geri qaldığı Finlandiyanın Almaniya ilə qarşılaşmada büdrəmə ehtimalından yararlanmaq əzmindədi. Bu matçdan 4 gün sonra məhz skandinaviyalılarla qarşılaşacaq millimiz 2 matçlıq qol həsrətinə də son qoymaq üçün meydana çıxacaq. Avstriya (0:2) və Almaniya (0:3) ilə görüşlərdə “Dalğa Arena”nı qol vurmadan tərk edən Vahabzadənin yetirmələri bunu Sankt-Poltendə gerçəkləşdirməlidi.

 

Millimiz səfərdə xal qazansa, turnir cədvəlində ən azı mövqeyini qoruyacaq. Yığmamızın hətta irəliləməsi də mümkündü. Avstriyadakı məğlubiyyət isə geriləməklə nəticələnə bilər. Çünki autsayderlər – Rusiya və Farer adalarının görüşündəki qələbə şimallılara önə keçmək imkanı yaradacaq.

 

 

 

AVRO-2017-nin seçmə mərhələsi

VII qrup

9 oktyabr

20:30. Avstriya – Azərbaycan

Baş hakim: Qunnar Yarl Yonsson

Baş hakimin köməkçiləri: Qunnar Qunnarsson, Birkir Siqurdarsson

Dördüncü hakim: Torvaldur Arnason (hamısı İslandiya)

UEFA nümayəndəsi: Vasko Dojdinovski (Makedoniya)

Hakim-inspektor: Dani Koren (İsrail)

Sankt-Polten. “MV Arena” stadionu

 

1.

Finlandiya

2

2

0

0

5-0

6

2.

Avstriya

2

2

0

0

6-3

6

3.

Almaniya

1

1

0

0

3-0

3

4.

Azərbaycan

3

1

0

2

1-5

3

5.

Rusiya

2

0

0

2

3-6

0

6.

Fareradaları

2

0

0

2

0-4

0

 

Xəbər lenti