Türkiyə millisinin AVRO-2024-dən əldə etdiyi gəlir açıqlandı
27.06.2024 - 17:17
Almaniyanın ev sahibliyi etdiyi futbol üzrə Avropa çempionatının qrup mərhələsi başa çatıb.
Apasport.az xəbər verir ki, Türkiyə millisi qrup mərhələsini 2-ci pillədə başa vuraraq 1/8 finalda Avstriya ilə oynamaq şansı əldə edib.
Türkiyə AVRO-2024-də F qrupunu Gürcüstan və Çexiya üzərində qələbə qazanaraq 6 xalla tamamlayıb. Yığma qrupda yeganə məğlubiyyətini Portuqaliyaya qarşı alıb - 3:0.
UEFA-nın turnirdən əvvəl açıqladığı pul mükafatına əsasən, Türkiyə millisi AVRO-2024-də indiyədək 12 milyon 750 min avro gəlir əldə edib.
Qeyd dedək ki, Türkiyə pley-off mərhələsində Avstriya ilə qarşılaşacaq. 2 iyulda keçiriləcək matçın start fiti Bakı vaxtilə 23:00-da səsləndiriləcək.
Oxşar xəbərlər
Ana səhifə
Bütün xəbərlər