6 iyunda Bosniya və Herseqovinanın paytaxtı Sarayevo şəhərində cüdo üzrə usta cüdoçular arasında Avropa çempionatının ilk günündə Azərbaycan cüdoçuları 1 qızıl və 2 bürünc medal əldə edib.

Apasport.az xəbər verir ki, çempionatın ilk günündə Azərbaycan kişilər arasında M5, M6, M7 və M8 yaş kateqoriyası üzrə 7 idmançı ilə təmsil olunub.

M8 yaş kateqoriyası üzrə -90 kq çəki dərəcəsində yarışan Fərhad Rəcəbli bütün rəqiblərini məğlub edərək qızıl medal qazanıb. Bu qələbə ilə Fərhad Rəcəbli usta cüdoçular arasında Avropa çempionatlarında 10-cu dəfə çempion tituluna sahib olub.

M7 yaş kateqoriyası üzrə -90 kq. çəkidə Nazim Əliyev və M8 yaş kateqoriyası üzrə -66 kq. çəkidə Vahid Azərpur bürünc medal qazanıblar.

M5 yaş kateqoriyası +100 kq. çəkidə Qabil Qasımov 5-ci yerə çıxıb.

• Cüdoçularımızdan Avropa Kubokunda 6 medal
• Cüdoçularımız “Böyük Dəbilqə”nin ikinci günündə 3 medal qazanıblar
• Bakı Böyük Dəbilqəsinin ikinci günündə dörd cüdoçumuz final mərhələsində
• 11 cüdoçumuz "Böyük Dəbilqə"də tatami üzərinə çıxacaq
• Cüdoçularımız "Böyük Dəbilqə"nin ilk gününü 2 medalla başa vurublar