“Çelenc” kubokunda mübarizə aparan qadın voleybolçulardan ibarət “Azərreyl” klubu 1/16 final mərhələsinin ilk matçını Bakıda keçirəcək. 

Apasport.az xəbər verir ki, bu barədə Azərbaycan Voleybol Federasiyasının mətbuat xidməti məlumat yayıb.

Komandamız İspaniyanın “Avarca de Menorca” klubu ilə üz-üzə gələcək. Qarşılaşma noyabrın 9-da saat 19:00-da Gənclər İdman Nazirliyinin Voleybol Mərkəzində baş tutacaq. 

Komandalar arasında ikinci oyun isə noyabrın 15-də keçiriləcək. “Azərreyl” səfərdəki cavab matçına Bakı vaxtı ilə saat 22:00-da çıxacaq.

Qeyd edək ki, “Azərreyl” 1/32 finalda Ukraynanın “Balta” komandasına hər iki qarşılaşmada qalib gəlib.
 

• Estonlar Azərbaycanla oyuna görə cərimələnib
• “Nyukasl” 80 milyon avroya müdafiəçi alacaq
• “Mançester Yunayted” Qrinvudu göndərir
• Rafinya “Barselona” ilə müqavilə bağladı
• Ronaldo işçi axtarır – 6 min avroya