Azərbaycanın futzal üzrə FIFA referisi Əli Cəbrayılov UEFA-dan təyinat alıb.

Apasport.az Avropa futbol qurumunun rəsmi saytına istinadən xəbər verir ki, o, Çempionlar Liqasının ilkin mərhələsində B qrupunun oyunlarında ədaləti qoruyacaq.

Cəbrayılov avqustun 21-də gerçəkləşəcək "Fiorentino" (San Marino) - "Amiqo Northwest" (Bolqarıstan) matçında birinci hakim olacaq.

Beynəlxalq dərəcəli hakim bir gün sonra "Fiorentino" (San Marino) - "Minerva" (İsveçrə) görüşündə üçüncü, "Amiqo Northwest" (Bolqarıstan) - "Pro Futsal Cymru" (Uels) qarşılaşmasında ikinci hakim funksiyasını yerinə yetirəcək.

Qeyd edək ki, B qrupunun oyunları Bolqarıstanın paytaxtı Sofiyada gerçəkləşəcək.

• Yığmamızın iki futzalçısı “Iphone” gətirərkən saxlanıldı
• Tahir Gözel: "Lazım olan transferləri gerçəkləşdirməyə hazıram"
• Qurban Qurbanov: “Rotasiyaları edə bilmirik” - MÜSAHİBƏ
• “Fənər”in üzvü “Maribor”da - rəsmi
• Samir Abasovun heyətdən göndərəcəyi futbolçu