"Bu oyun həmişə yadımda qalacaq".

Apasport.az xəbər verir ki, bunu Azərbaycan millisinin kapitanı Emin Mahmudov Bakıda İsveç yığmasına 3:0 hesabı ilə qalib gəldikləri AVRO-2024-ün seçmə mərhələ oyunundan sonra jurnalistlərə açıqlamasında deyib.

Təcrübəli futbolçu azarkeşləri sevindirdikləri üçün çox xoşbəxt olduqlarını bildirib: "Onlar da bizdən yaxşı oyun və qələbə gözləyirdi. Bu gün vuruşduq və istədiyimiz nəticəni qazandıq".

Yarımmüdafiəçi sonuncu turda bazar günü Belçikaya qarşı keçirəcəkləri matça da toxunub: "Bu, yüksək səviyyəli rəqibdir. Yaxşı oyunçuları var. Yenə də əlimizdən gələni edəcəyik. Belə komandalara qarşı bəxtimiz də olmalıdır".

Yığmada 13-cü qoluna imza ataraq Qurban Qurbanova (14 qol) yaxınlaşan Mahmudov əsas məqsədinin komandaya xeyir vermək olduğunu vurğulayıb: "Qollar vurduğum üçün də sevinirəm".

• "Şahruddin topu uzaqlaşdıra bilmədiyi üçün narazılıq edirdi" - Müsahibə
• Mariya Stadnik karyerasını bitirib
• İngiltərə Kubokunda 1/4 finalın 4 iştirakçısı bilindi
• AFFA baş məşqçi məsələsinə aydınlıq gətiriləcəyi günü açıqladı
• Azərbaycanlı “üçlük” gümüş medal qazandı