Krakov-2023 III Avropa Oyunlarında atletika yarışlarında Azərbaycan yığması növbəti sınağına çıxıb.

Apasport.az saytının məlumatına görə, 3-cü divizionda yer alan millimiz kişilərin 4x100 m estafet yarışında mübarizə aparıb.

Komandanın heyətində Aleksey Əliəkbərov, Əli Abdıyev, Qədir Qurbanov və Kəsgin Abbaszadə yer alıb. Məsafəni 42,63 saniyəyə qət edən millimiz B qrupunda 1-ci olub. 

Yığmamız mövsümdə özünün ən yaxşı nəticəsini göstərib. Komandamız yekun sıralamada 7-ci yeri tutub.

Qeyd edək ki, Krakov-2023 çərçivəsində atletika üzrə komandalararası Avropa çempionatı keçirilir. Dünən başlayan turnirdə yığmalar üç divizionda mübarizə aparır. 

• “Fənərbaxça”nın 9 illik kubok həsrəti bitdi
• Danildo Assioli: "Portuqaliyada hamı Azərbaycan klublarından danışır"
• "Beşiktaş"dan ulduz oyunçularına əfv
• Jorj Mikautadze: “İstirahət üçün bir gün mütləq bura gələcəm”
• Yığmamız Polşaya 86 idmançı ilə yollanacaq