Azərbaycan millisinin sabiq futbolçusu Dmitri Nəzərov Almaniyada ardıcıl 2-ci oyunda da qol vurub.

Apasport.az xəbər verir ki, Almaniya 3-cü liqasında XIX turun oyunları keçirilib. Nəzərovun formasını geyindiyi “Ertsqebirqe” “Bayroyt”u qəbul edib. Aue təmsilçisi qonaqları darmadağın edib – 4:0.

Nəzərov da bu matçin iştirakçısı olub. Start heyətdə meydana çıxan futbolçu 45+1-ci dəqiqədə sarı vərəqə alıb, 76-cı dəqiqədə isə komandasının sonuncu qoluna imza atıb. Ötən tur "İnqolştadt"a da penaltidən qol vurmuş Nəzərov bu matçdakı qoldan 1 dəqiqə sonra bolqar əsilli ukraynalı Boris Taşşi ilə əvəzlənib.

Qeyd edək ki, “Ertsqebirqe” hazırda 20 xalla 14-cü pillədə qərarlaşıb.

• UEFA “Qarabağ”ın futbolçusunu cəzalandırdı: "Braqa" ilə görüşü buraxacaq
• Polşa millisində 2 itki
• Azərbaycan Prezidenti və vitse-prezidenti türkiyəli idmançıları təbrik etdi
• "Sumqayıt"ın qapıçısı: “Fehervar”a görə narahat deyiləm"
• Azərbaycan güləşçisi Avropa 2-cisi oldu