Azərbaycan milli komandasının sabiq futbolçusu Elvin Yunuszadə klub axtarışını davam etdirir.

Apasport.az saytının məlumatına görə, 31 yaşlı müdafiəçinin bu mövsümü harada keçirəcəyi hələ də dəqiqləşməyib. 

Elvin uzun müddətdir ki, “Araz-Naxçıvan”ın düşərgəsində məşq edir. O, Premyer Liqa klubunun məşqçilər korpusunun etimadını qazanmağa çalışır.

Yunuszadənin Naxçıvan təmsilçisində qalıb-qalmayacağı dəqiqləşməyib. “Neftçi” və “Qarabağ” kimi komandalarda da oynamış Yunuszadə özü “Araz-Naxçıvan”da forma geyinmək arzusundadır.

Qeyd edək ki, müdafiəçi sonuncu rəsmi matçını ötən ilin oktyabrında “Kəpəz”in heyətində keçirib.

• “Neftçi”də yeni təyinat - Cemal Bülbül
• Dünya çempionatı: Millimizdən 37 medal
• “Formula-1” sahibi “Liberty Media” İngiltərədə klub alır
• “Bazel”in hücumçusu Premyer Liqada
• “Neftçi”də ayrılıq