Azərbaycan millisinin sabiq futbolçusu Nazim Süleymanovun keçmiş klubu “Alaniya” çempionluq kubokunu itirib.

Apasport.az saytının Rusiya mətbuatına istinadən məlumatına görə, Vladiqafqaz təmsilçisi 1995-ci ildə qazandığı kuboku tapa bilmir.

Sən demə, qazanılan mükafat artıq 3 ildir yoxdur. Sadəcə, onun keçmiş baş məşqçi Valeri Qazzayevdə olduğu güman edilirdi. Ancaq təcrübəli mütəxəssis kubokun yerini bilmədiyini açıqlayıb.

Qeyd edək ki, “Alaniya” 1995-ci ildə ikinci yeri tutan “Lokomotiv”i 6 xal qabaqlayaraq çempion olub. Həmin çempionluqda komandanın aparıcı hücumçusu olmuş Nazim Süleymanovun da əməyi olub.
 

• Paris-2024: Avstraliya liderdir
• "Qəbələ" klubu baş meneceri ilə yollarını ayırıb
• Azərbaycan gimnastları finala vəsiqə qazanıblar
• Avropa Oyunlarında iştirak edən Azərbaycan yığması vətənə qayıdıb - FOTO
• Basketbol Liqasında final təqvimi bəlli oldu