Misli Premyer Liqasının II turunda “Kəpəz”lə qarşılaşan “Neftçi” 5:2 hesabı ilə qalib gəlib.

Apasport.az saytı xəbər verir ki, ev oyununda beş qol vuran Bakı klubu ölkə çempionatlarında təxminən 10 ildən və ya 9 il 9 aydan sonra belə məhsuldarlıq nümayiş etdirib.

“Ağ-qaralar”ın bir matçda 5 və ya daha çox qola imza atmasına sonuncu dəfə 2012/13 mövsümündə təsadüf olunmuşdu. 3557 gün əvvəl - 2012-ci il noyabrın 17-də “Sumqayıt”ı qonaq edən “Neftçi” 8:1 hesabı ilə qalib gəlib. Həmin oyundan sonra paytaxt təmsilçisi bir qarşılaşmada 4-dən çox top vura bilməmişdi.

Qeyd edək ki, “Neftçi” Azərbaycan çempionatları tarixində 53-cü dəfə bir görüşdə 5 və ya daha çox qol vurub. Bu da ölkə rekordudur.

• İki əfsanə üz-üzə: Nadal, yoxsa Cokoviç?
• Van de Beek "Yunayted"i tərk etdi
• Qəzənfər Abbasov: “Millimizin qələbə qazanacağını düşünürəm”
• Azərbaycan çempionatında ilin ilk oyunları start götürəcək
• PSJ müdafiəçisini satır