“Araz-Naxçıvan”ın futbolçusu Orxan Əliyev Azərbaycan çempionatlarında 25-ci qolunu vurub.

Apasport.az Peşəkar Futbol Liqasının rəsmi saytına istinadla xəbər verir ki, 29 yaşlı hücumçunun yubileyi Azərbaycan Premyer Liqasının XXIII turuna təsadüf edib.

“Səbail”lə səfər görüşündə (2:2) dubla imza atan futbolçu öncə 25-ci, ardınca 26-cı qolunu vurub. O, çempionatda keçirdiyi 144-cü matçda 25 qol həddini keçib.

Əliyev bu qolları üç klubda vurub. O, “Sumqayıt”da 14, “Araz-Naxçıvan”da 9, “Kəpəz”də 3 dəfə fərqlənib. Orxan Azərbaycan çempionatları tarixində ən azı 25 qol vuran 124-cü futbolçudur.

• İkardi qışda "Qalataray"dan ayrıla bilər
• Naxçıvan şəhərində "Sağlam həyat" günləri keçirilib
• Ziyeşə İngiltərədən müştəri
• Di Mariya “Yuventus”u tərk edəcək
• “Real” tarixinin ən yaxşıları açıqlandı