Bu gün Avropa Liqasının pley-off mərhələsinin püşkü atılıb.

Apasport.az saytının məlumatına görə, tədbirdə Azərbaycan çempionu “Qarabağ”ın mümkün rəqibi müəyyənləşib.

III təsnifat mərhələsində Finlandiya HİK-i ilə görüşəcək Qurban Qurbanovun yetirmələri turu adlasa, Çempionlar Liqasının “Olimpiya” (Sloveniya) – “Qalatasaray” (Türkiyə) cütünün məğlubu ilə qarşılaşacaq. İlk oyunlar avqustun 24-də, cavab görüşləri 31-də baş tutacaq. “Qarabağ” – HİK cütünün qalibi pley-offa səfərdə başlayacaq.

Qeyd edək ki, Ağdam təmsilçisinin Helsinki klubu ilə ilk matçı avqustun 10-da, cavab qarşılaşması 17-də təşkil olunacaq. Çempionumuz ilk oyunu evdə keçirəcək.
 

• Yaylagül Ramazanova sıralama turuna 30-cu cütdə başlayacaq
• "Beşiktaş" rəhbərliyindən istefa
• "Trabzonspor"da Abdullah Avcı dövrü başa çatıb
• "Flamenqo"nun baş məşqçisi: "Juninyo bizə çox kömək edəcək"
• İtaliya millisinin üzvü “Bolonya”da - rəsmi