UEFA Gənclər Liqasında Çempionlar yolunun püşkü atılıb.

Apasport.az saytının məlumatına görə, “Qəbələ”nin 19 yaşadək futbolçulardan ibarət komandasının I mərhələdəki rəqibi müəyyənləşib.

Azərbaycan təmsilçisi ilk raundda “Hayduk”la (Xorvatiya) qarşılaşacaq. “Qəbələ” ilk oyununu səfərdə, cavab görüşünü isə evdə keçirəcək. Birinci mərhələnin oyunları sentyabrın 14-də və oktyabrın 5-də baş tutacaq.

“Qəbələ”nin II mərhələdəki mümkün rəqibi də bəlli olub. Zaur Hacıyevin yetirmələri “Hayduk” səddini keçərsə, növbəti raundda “Astana” (Qazaxıstan) – “Apolloniya” (Albaniya) cütünün qalibi ilə üz-üzə gələcək. “Hayduk” - “Qəbələ” cütünün qalibi ilk görüşü səfərdə keçirəcək.

II mərhələnin oyunları oktyabrın 26-da və noyabrın 2-də olacaq.

• Emin Ağayev Ukrayna ilə müharibəyə gedə bilər - komissarlığa yollandı
• Cəlal oynadı, komandası qələbə qazandı
• Mario Mustapiç “Kəpəz”də
• Rauf Əliyev: "Qarabağ" Avropada niyə də finala qalmasın?!" - Müsahibə
• Almaniya Bundesliqası 1-ci, Azərbaycan Premyer Liqası 37-ci sırada