"Şamaxı" gücünü "Kəpəz"lə sınayacaq

15.07.2024 - 13:56

Azərbaycan Premyer Liqası komandalarından "Kəpəz" və "Şamaxı" bu gün yoxlama oyunu keçirəcək.

Apasport.az xəbər verir ki, qarşılaşma Qəbələ şəhər stadionunda baş tutacaq. Görüşün start fiti saat 17:30-da səslənəcək.

Qeyd edək ki, "Kəpəz" təlim-məşq toplanışı dönəmində artıq 1 yoxlama matçında qüvvəsini sınayıb. Adil Şükürovun çalışdırdığı komanda "Turan Tovuz"a 0:4 hesabı ilə mğlub olub.

"Şamaxı" isə bu gün ilk yoxlama matçına çıxacaq. "Şirlər" hazırlıq prosesində daha 3 matça çıxmağı planlaşdırır. Rəqiblərin adları hələ müəyyənləşməyib.