Azərbaycan boksçusu Şəhla Allahverdiyeva Polşada keçirilən III Avropa Oyunlarında ilk görüşünü keçirib. 

Apasport.az saytının məlumatına görə, 66 kq çəkidə qüvvəsini sınayan yığma üzvü 1/8 finalda Oşin Deriyuvlə (Belçika) qarşılaşıb. 

Görüş rəqibin qələbəsi ilə başa çatıb. Belçikalı 5:0 (30:26, 30:24, 30:25, 30:25, 30:25) hesabı ilə qalib gəldiyindən, Allahverdiyeva Krakov-2023-lə vidalaşıb. 

Qeyd edək ki, bu gün daha 2 boksçumuz rinqə çıxacaq. Məsud Yusifzadə (51 kq) Atilla Bernatla (Macarıstan), Murad Allahverdiyev (80 kq) Nikita Niystedlə (Finlandiya) üz-üzə gələcək. 

• Mbappe yerinə Saka
• Təmsilçimiz final mərhələsinə yüksəlib
• Basketbol üzrə Azərbaycan kuboku başlayır
• "Boston Seltiks"lə bağlı Ceff Bezos iddiasına aydınlıq gəlib
• "Fənərbaxça"da ciddi itki