"Beşiktaş" - "Makkabi" matçı Bakıda keçiriləcək? - AÇIQLAMA
11.11.2024 - 15:22
"Beşiktaş" Avropa Liqasının Liqa mərhələsinin V turunda "Makkabi" ilə qarşılaşacaq.
Apasport.az xəbər verir ki, matçın baş tutacağı şəhər hələ də qeyri-müəyyən olaraq qalır.
Lakin oyunun Bakıda keçirilib-keçirilməyəcəyi ilə bağlı sual öz cavabını tapıb. Görüş Azərbaycan paytaxtında təşkil olunmayacaq. Bu barədə klubun vitse-prezidenti Mete Vardar açıqlama verib.
O, bildirib ki, qarşılaşmanın keçiriləcəyi stadion sabah bəlli olacaq:
"Matçın keçiriləcəyi yer sabaha qədər dəqiqləşəcək. Oyun Macarıstanda və ya Almaniyada baş tutacaq. Azarkeş məsələsinə gəlincə, bununla bağlı da rəsmi qurumlara müraciət etmişik".
Qeyd edək ki, qarşılaşma noyabrın 28-də baş tutacaq.
Oxşar xəbərlər
Ana səhifə
Bütün xəbərlər