Qətərdə keçirilən dünya çempionatı Niderland millisinin hücumçusu Kodi Qakpo üçün uğurlu start götürüb.

Apasport.az saytının məlumatına görə, 23 yaşlı forvard qrup mərhələsinin ilk iki oyununda fərqlənməyi bacarıb.

Əvvəlcə Seneqal üzərində 2:0 hesablı qələbəyə 1 qolla töhfə verən Qakpo Ekvadorla matçda da komandasının yeganə topunun müəllifi olub. Bununla o, bir dünya çempionatının ilk iki oyununda fərqlənən ikinci niderlandlıdır. Qakpo komanda yoldaşı Memfis Depayın DÇ-2014-dəki nailiyyətini təkrarlayıb.

Qeyd edək ki, iki turdan sonra aktivində 4 xal olan Niderland qrupdakı son matçını noyabrın 29-da ev sahibi Qətərə qarşı keçirəcək.

• İngiltərə millisində Saka problemi
• “Neftçi”nin baş məşqçisi Kasiusla evlənir
• Krakov-2023: Azərbaycan 25-ci pillədə - MEDAL SİYAHISI
• Tyaqo Bezerra: "Neftçi" "Beşiktaş"ı məğlub edəcək"
• Atıcılarımız 21-ci və 25-ci olublar