Qətərdə keçirilən dünya çempionatının I turunda Səudiyyə Ərəbistanının qapısına penaltidən yol tapan Lionel Messi Argentina millisinin tarixinə düşüb.

Apasport.az xəbər verir ki, ulduz hücumçu 4 fərqli mundialda qol vuran ilk argentinalı futbolçu olub.

PSJ-nin üzvü "albiseleste"nin heyətində DÇ-2006, DÇ-2014, DÇ-2018-dən sonra DÇ-2022-də qol vurmağı bacarıb. 

O, bu göstəricidə "gümüşlər ölkəsi"nin əfsanəvi futbolçuları Dieqo Maradona və Qabriel Batistuta qabaqlayıb. Adıçəkilən keçmiş futbolçular 3 dünya çempionatında qol sevinci yaşamışdı. 

Qeyd edək ki, Lionel Messi Argentina yığmasının heyətində 166 matçda 92 qol vurub.
 

• Taekvondoçumuzdan tarixi nailiyyət!
• Arda Gülər "Real" tarixinə düşdü
• Taekvondo millimiz Avropa birinciliyindən 2 medalla qayıtdı
• Rimas Kurtinaytis: “Oyun keyfiyyətini artırmalıyıq”
• “Baku Open 2024” beynəlxalq şahmat festivalı keçiriləcək