Portuqaliya millisinin ulduz futbolçusu Kriştianu Ronaldo tarix yazmağa doymur.

Apasport.az saytı xəbər verir ki, DÇ-2022-nin ilk turunda Qana ilə görüşdə hesabı açan 37 yaşlı forvard 5 mundialda qol vuran ilk futbolçu adını qazanıb.

Bu, Ronaldonun mundiallarda vurduğu 8-ci qol olub. Təcrübəli hücumçu 2006, 2010 və 2014-cü illərdə keçirilən turnirlərin hər birində 1 qolla yadda qalıb. DÇ-2018-də isə rəqib qapılarına 4 dəfə yol tapıb.

Daha əvvəl Pele, Uve Zeeler, Miroslav Kloze və Lionel Messi 4 dünya çempionatında qol sevinci yaşayıb.

Qeyd edək ki, hazırda Portuqaliya - Qana matçında hesab bərabərdir - 1:1.

• "Arsenal" Saka ilə müqavilənin müddətini uzatdı
• "Liverpul" matçında rekord
• Millimizin Qızıl Avropa Liqası üçün heyəti açıqlandı
• “Rapid” – “Neftçi” oyununun hakimləri açıqlandı
• 20 milyondan imtina