Azərbaycan Voleybol Federasiyasının (AVF) Qəbələ şəhərində məşqçi-müəllimlər üçün təşkil etdiyi kurs başa çatıb.

Apasport.az xəbər verir ki, Qəbələ Olimpiya İdman Kompleksində baş tutan və dörd gün davam edən AVF-nin “1-ci dərəcə” məşqçi kursunda “Oğuz RVK”nın tərkibinə daxil olan şəhər və rayonların 15 məşqçi-müəllimi iştirak edib.

Dərslər FIVB-nin məşqçi-instruktoru, AVF-nin Təhsil şurasının rəhbəri Cengiz Akarçeşme tərəfindən keçirilib.

Kursun sonuncu gününda iştirakçılar nəzəri və praktiki imtahan veriblər. Hər iki imtahanı uğurla keçən 14 mütəxəssisə AVF-nin “1-ci dərəcə” sertifikatı təqdim olunub.

Qeyd edək ki, belə kurslar Bakıda və digər bölgələrdə də təşkil olunacaq. AVF-nin “1-ci dərəcə” sertifikatını almış məşqçi-müəllimlər yerli çempionatlarda məşqçilik edə biləcəklər. Hər üç dərəcəni alacaq mütəxəssislər isə FIVB-nin Level-1 seminarında iştirak etmək hüququ qazanacaqlar.

• “Sumqayıt”la yollarını ayırdı, sabiq komandasına qayıtdı
• Ronaldonu əvəzləməyə üç namizəd
• Mundiallar tarixinin ən yaxşı qapıçıları – “30-luq”
• Mahir Məmmədov: “Rəcəbovun az oynamağının obyektiv səbəblərini açıqlamaq istəməzdim” - MÜSAHİBƏ
• Güney Azərbaycanın milli oyanışında futbolun gücü - “TRAKTOR” QÜRURU