Qadın voleybolçulardan ibarət Azərbaycan milli komandası bu gün Sloveniyaya yollanıb. 

Apasport.az saytının məlumatına görə, Eldar Yusubovun çalışdırdığı yığma mayın 30-dan başladığı məşqləri Mariborda davam etdirəcək. 

Voleybolçularımız burada AVRO-2023-ün təsnifat mərhələsinə hazırlığın növbəti mərhələsini keçəcəklər. Mariborda toplanış iyulun 31-də yekunlaşacaq. Hazırlıq çərçivəsində millinin Sloveniya yığması ilə bir neçə yoxlama matçı da planlaşdırılır. 

Qeyd edək ki, voleybolçularımız AVRO-2023-ün təsnifat oyunlarında D qrupunda Sloveniya, Gürcüstan və Avstriya yığmaları ilə üz-üzə gələcək.
 

• “Şamaxı”nın yay hazırlıq planı bilindi
• Medinanın yerinə Portuqaliyadan müdafiəçi
• Millimizin üzvü Konfrans Liqasında növbəti oyuna çıxıb
• Xavi ilə rekord
• Azərbaycan kubokunun oyunlarından əvvəl 1 dəqiqəlik sükut elan olunacaq