“Yuventus”un yarımmüdafiəçisi Anxel Di Mariya Çempionlar Liqasında assist sayına görə həmyerlisi Lionel Messini qabaqlayıb.

Apasport.az saytının məlumatına görə, argentinalı futbolçu qrup mərhələsinin III turunda Hayfa “Makkabi”si ilə görüşdə 3 məhsuldar ötürmə verib.

Komandasının 3:1 hesablı qələbəsinin memarı olan Di Mariya ÇL-dəki assist sayını 38-ə çatdırıb və ikinci pillədə yer alan PSJ-nin hücumçusu Lionel Messini üstələyib. Leonun aktivində 37 məhsuldar ötürmə var.

Siyahıya “Mançester Yunayted”in hücumçusu Kriştiano Ronaldo başçılıq edir. Portuqaliyalı superulduz Çempionlar Liqasında 42 məhsuldar ötürmə verib. Dördüncü pillədə isə PSJ-nin digər hücumçusu Neymar (32) qərarlaşıb.
 

• Rəhim Sadıxovun “Sumqayıt”la müqavilə müddəti açıqlandı
• Kəmaləddin Heydərov dünya çempionatına yollanacaq taekvondoçularla görüşdü
• "Vest Hem" "Çelsi"nin müdafiəçisini icarəyə götürmək istəyir
• Paris-2024: Giorgi Meşvildişvilinin son rəqibi bəlli oldu
• "Barselona"nın müdafiəçisi nəhənglərin maraq dairəsində