“Mançester Yunayted”in əfsanəvi futbolçusu Erik Kantona klubun prezidenti olmağa çalışıb.

Apasport.az saytı xəbər verir ki, “qırmızı şeytanlar”ın icraçı vitse-prezidenti Ed Vudvord sabiq hücumçunun təklifini rədd edib.

Kantona Direktorlar Şurasına qoşulmaq istədiyini etiraf edib. Fransız hətta iki prezidentin olmasını təklif edib - biri futbolda, digəri iqtisadi və maliyyə məsələlərində nüfuzlu söz sahibi olmaq şərti ilə: “Vudvord marketinqdə çox yaxşıdır, amma futbolda yox. Düşünürəm ki, futbolla bağlı qərarlar verməyə cavabdeh şəxs lazımdır. Buna görə də öz namizədliyimi irəli sürdüm”.

Qeyd edək ki, Erik Kantona 1992-1997-ci illərdə “Mançester Yunayted”də çıxış edib.
 

• Fərid Qayıbov Çadın gənclər və idman naziri ilə görüşüb
• “Abşeron”da yeni legioner
• “Fənərbaxça” 3 xalı 3 qolla qazanıb
• “Xəzər Lənkəran”ın sabiq futbolçusuna cinayət işi açıldı
• Ərəblərdən "Liverpul"un müdafiəçisinə cazibədar təklif