Norveç yığmasının hücumçusu Erlinq Haland Millətlər Liqasının II turunda İsveçlə səfər oyununda rəqibin oyunçusu Aleksandr Miloşeviçlə yaşadığı insident barədə danışıb.

Apasport.az saytının məlumatına görə, dublla komandasına 2:1 hesablı qələbə qazandıran gənc forvard Miloşeviçin ona hədə-qorxu gəldiyini söyləyib.

Haland bildirib ki, isveçli müdafiəçi onun ayağını qırmaq istəyində olub: “Əvvəlcə o, məni fahişə adlandırdı. Həmçinin ayaqlarımı sındıracağını dedi. Amma bu dialoqdan dəqiqə yarım sonra qol vurdum. Əla idi”.

Qeyd edək ki, Norveç B liqasının 4-cü qrupunda iki turdan sonra 6 xalla turnir cədvəlinə başçılıq edir.
 

• Haaland Çempionlar Liqası matçını buraxa bilər
• AMADA AVF üçün seminar təşkil edib
• Premyer Liqada ən çox seyv edən qapıçı bilindi
• Krunoslav Renduliç: “Mançester Siti” də 5 oyundur məğlub olur”
• "Neftçi"nin yeni baş məşqçisi: "Azarkeşləri yenidən tribunalara qaytaracağıq"