"Barselona"nın hücumçusu Robert Levandovski unikal nailiyyətə imza atıb.

Apasport.az xəbər verir ki, polşalı futbolçu Çempionlar Liqasının 1/8 final mərhələsinin “Napoli” (1:1) ilə səfər matçında 60-cı dəqiqədə hesabı açıb.

"Opta"nın məlumatına görə, Levandovski (35 yaş 184 gün) tarixin ən nüfuzlu avrokubokunun pley-off mərhələsində “Barselona”nın heyətində ən yaşlı qol vuran futbolçu olub.

Kataloniya klubunun əvvəlki rekordçusu 2021-ci ilin martında PSJ-yə qarşı matçda 33 yaş 259 gün olarkən qol vuran Lionel Messi idi.

Qeyd edək ki, Robert Levandovski 2022-ci ilin yayından "Barselona"da çıxış edir.
 

• "İnter" və "Real" qalib gəldilər
• U-19 millimiz İspaniyada 3 yoldaşlıq oyunu keçirəcək
• Bakıda “Üzgüçülük hamı üçün” layihəsinin final mərhələsi yekunlaşıb
• Azər Bağırov sabiq futbolçusunu komandasında görmək istəyir
• 1/8 finalın cütləri dəqiqləşdi