Lionel Messi Argentina millisində növbəti dubluna imza atıb.

Apasport.az xəbər verir ki, 36 yaşlı hücumçu DÇ-2026-nın seçmə mərhələsinin Peru ilə qarşılaşmasında fərqlənib.

Messinin qolları komandasına 2:0 hesablı qələbə qazandırıb. Bununla da forvard dünya çempionatlarının Cənubi Amerika zonası üzrə seçmə mərhələlərindəki qol sayında rekord vurub. 31-ci dəfə fərqlənən Messi uruqvaylı Luis Suaresi arxada qoyub.

Qeyd edək ki, argentinalı dünya çempionatlarının seçmə mərhələlərinin ümumi bombardirləri siyahısında 4-cüdür. Rekord isə qvatemalalı Karlos Ruisə məxsusdur – 39 qol. Kriştiano Ronaldo (Portuqaliya) 36, Əli Daei (İran) 35 dəfə fərqlənib.

• Atletimiz Almaniyada beynəlxalq yarışda iştirak edəcək
• "Real"ın fransalı futbolçuları "Liverpul"la matçda oynaya biləcək
• Raysa Almaniyadan müştəri
• “Yuventus” Bundesliqadan müdafiəçi alır
• Onana “qırmızı şeytan” oldu