Uels millisinin, “Tottenhem” və “Real”ın sabiq futbolçusu Qaret Beyl peşəkar qolfçu karyerasına start verir.

Apasport.az saytının məlumatına görə, bunu böyük britaniyalı ulduzun özü açıqlayıb.

Futbolçu karyerasını 2 həftə əvvəl başa vuran Beyl gələn ay ilk ciddi sınağına çıxacaq. O, “AT&T Pebble Beach Pro-Am” turnirində mübarizə aparacaq.

Yarış fevralın 2-5-də keçiriləcək. Yarışda 156 peşəkar və 156 həvəskar qolfçu mübarizə aparacaq. Turnirdə aktyorlar Bill Mürrey, Ceyson Beytman, qolfçular Mett Fitspatrik, Lük Donald, Cordan Smit də iştirak edəcək. Turnirin mükafat fondu 9 milyon dollardır.

Qeyd edək ki, yanvarın 9-da karyerasını bitirdiyini açıqlayan Beyl Çempionlar Liqasının beşqat qalibidir.

• Boksçularımızın Paris-2024-dəki rəqibləri müəyyənləşib
• Joze Mourinyodan bənzərsiz etiraz - VİDEO
• “Barselona” ispaniyalı müdafiəçi ilə müqaviləsini yenilədi
• Qazaxıstanda gimnastlarımızdan uğurlu nəticə
• İsveçin Olimpiada planı