Ronaldo: “Fiqunun həyat yoldaşı kimi bir xanımım olsaydı, evdən çölə çıxmazdım”

05.01.2023 - 16:11

Futbol əfsanəsi Ronaldo maraqlı açıqlaması ilə diqqətləri özünə çəkib.

Apasport.az xəbər verir ki, “yekədiş” ləqəbli braziliyalı Madrid “Real”ının şərəfini qoruduğu zaman klub prezidenti Florentino Pereslə olan dialoqunu xatırlayıb.

O bildirib ki, komanda rəhbəri təlim-məşq bazasında onu danlayaraq niyə həyat yoldaşı ilə evində oturmamağının, əyləncə məkanlarda gəzməsinin səbəbini soruşub. Sabiq hücumçunun cavabı isə qısa olub: “Luiş Fiqunun həyat yoldaşı kimi bir xanımım olsaydı, heç evdən çölə çıxmazdım”.

Qeyd edək ki, 2002-2007-ci illərdə Madrid “Real”ının formasını geyinən Ronaldo 2011-ci ildə karyerasını bitirib.