“Beşiktaş”ın futbolçusu Semih Kılıcsoy Türkiyə millisinə dəvət olunacaq.

Apasport.az yerli mətbuata istinadla xəbər verir ki, 18 yaşlı gənc futbolçu “ay-ulduz”lu komandanın baş məşqçisi Vinçenso Montellanın diqqətini çəkə bilib.

İstanbul klubunun xüsusilə son oyunlarında tez-tez qol vuran forvardın Türkiyə millisinin qarşıdakı oyunlarına çağırılacağı bildirilir. Qardaş ölkənin milli komandasında son vaxtlar hücumçu probleminin olduğunu nəzərə alsaq, deməli Semih özünü yaxşı tərəfdən göstərə biləcəyi təqdirdə, AVRO-2024-də milli komandanın heyətində yer almaq şansına malik olacaq.

Qeyd edək ki, bu mövsüm “Beşiktaş” forması ilə 15 matça çıxan Kılıcsoy aktivinə 6 qol və 1 məhsuldar ötürmə yazdırıb.  

• Lopeteqi Premyer Liqa klubuna rəhbərlik edə bilər
• Türkiyəli idmançı İlon Maskı ölkəsinə dəvət edib
• “Real”dan baş məşqçi qərarı
• “Gəncə”nin baş məşqçisi: "Qürur duyuram"
• "Gəncə" Xəzri"yə, "Xırdalan" "Sumqayıt"a qarşı