Azərbaycan ağırlıqqaldıranı Dadaş Dadaşbəyli (109 kq) 3 gümüş medal qazanıb.

Apasport.az xəbər verir ki, yığmanın lideri bu uğura Tailandın Phuket şəhərində keçirilən Dünya Kubokunda nail olub.

Atletimiz birdən qaldırma hərəkətində 177 kq-ı ram edib və bu hərəkətdə gümüş medala sahib çıxıb. O, təkanla qaldırma hərəkətində 211 kq-ın öhdəsindən gəlib və bu hərəkətdə də eyni uğura imza atıb.

Toplam 388 kq (177+211) nəticə gösərən Dadaşbəyli yekun sıralamada da 2-ci yeri tutub və yarışı 3 gümüş medalla başa vurub.

Qeyd edək ki, Paris-2024 Yay Olimpiya Oyunlarına lisenziya xarakterli son turnirdə 110 ölkədən 449 (228+231) atlet iştirak edib.

• “Qarabağ” – “Viktoriya” matçında sloveniyalı hakimlər
• "İnter"in futbolçusu PSJ ilə ilkin müqavilə bağladı
• Türkiyə çempionu millimizin hücumçusunu istəyir
• Azərbaycan çempionatının start vaxtı açıqlandı
• Yığmamız Avropa kubokuna 16 cüdoçu ilə yollanır