Milli 1:5 hesabı ilə uduzdu

21.10.2023 - 23:06

17 yaşadək futbolçulardan ibarət Azərbaycan yığması Avropa çempionatının seçmə mərhələsinə uğursuz start götürüb.

Apasport.az xəbər verir ki, milli ilk oyunda Serbiya komandasına 5:1 hesabı ilə uduzub.

Qrup oyunlarına ev sahibliyi edən Serbiya meydan amilindən maksimim istifadə edib. 4-cü dəqiqədə hesabı açan serblər sonra daha 4 qol vurublar.

Qrupun digər matçında Sloveniya və Lüksemburq üz-üzə gəliblər və komandalar hərəyə bir qol vurublar. Millimiz növbəti oyunda sloveniyalı rəqibləri ilə qarşılaşacaqlar.

AVRO-2025, seçmə mərhələ
4-cü qrup
Serbiya U-17 – Azərbaycan U-17 – 5:1
Qollar: Rankoviç, 4. Mladenoviç, 26; 29. Kostiç, 69 (pen.). Bayramoviç, 87 – Bubanya, 11 (öz qapısına)