Millimizin hücumçusu Renat Dadaşov çıxış etdiyi İsveçrənin "Qrasshopers" klubunda növbəti qolunu vurub.

Apasport.az xəbər verir ki, o, İsveçrə çempionatının XXIX turunda autsayder "Vintertur" üzərində səfərdə qazanılan 2:1 hesablı qələbədə əsas pay sahiblərindən biri olub.

Futbolçumuz 45+1-ci dəqiqədə fərqlənməklə hesabı 2:0 edib. O, meydanda sonadək oynayıb və 1-ci qolun müəllifi, slovakiyalı Kristian Hertslə birgə matçın ən çox bal toplayan (6,9) futbolçusu olub.

Qeyd edək ki, o məhz sonuncu qolunu da "Vintertur"a vurmuşdu. "Qrasshopers"in yenə 2:1 qalib gəldiyi matçda Renat Dadaşov 41-ci dəqiqədə hesabı açmışdı.

Onu da bildirək ki, son nəticədən sonra "Qrasshopers" 37 xalla 5-ci sıradadır və Avropa Konfrans Liqasına getmək şansı mövcuddur.

• Rəşad Sadıqov: “Üç-beş il “Zirə”də olmalıyamsa, burada qalacam” - MÜSAHİBƏ
• Emin Ağayev Ukrayna ilə müharibəyə gedə bilər - komissarlığa yollandı
• “Qalatasaray” braziliyalı futbolçunu heyətinə qatmaq istəyir
• Adrian Mutu: "Beşiktaş"la matçda 2 top fərqini aradan qaldırmalıyıq" - MÜSAHİBƏ
• Rəqibinə qarşı irqçilik etdi, millinin heyətindən çıxarıldı