Azərbaycan Premyer Liqasının 2024/2025 mövsümündə ilk avtoqol qeydə alınıb.

Apasport.az Peşəkar Futbol Liqasının mətbuat xidmətinə istinadən xəbər verir ki, bu, VII turun “Qarabağ” – “Neftçi” matçında (4:0) yaşanıb.

Qonaqların futbolçusu Robert Bauer topu öz qapısına vurub. Bu, ölkə çempionatları tarixində 234-cü avtoqol olub.

“Neftçi” komandasının futbolçuları Azərbaycan çempionatlarında 25-ci dəfə topu öz qapısına vurublar. Bu, yarışın tarixində antirekorddur. “Qarabağ” isə 34-cü dəfə rəqib qoluna sevinib ki, bununla da sahib olduğu rekordu yeniləyib.

Qeyd edək ki, “Neftçi”nin avtoqollarından 8-i “Qarabağ”la görüşlərə təsadüf edib.

• Qurban Qurbanov: “Bütün Azərbaycan bizdən qələbə gözləyirdi”
• "Formula-1" üzrə Niderland Qran-prisi başa çatıb
• "Neftçi" və "Sabah"dan böyük hesablı qələbə - YENİLƏNİB
• Müdafiə Nazirliyi: Qarabağda antiterror əməliyyatlarına başlanıldı
• Krakov-2023: Kikboksçumuz medalı təmin etdi - FOTOLENT