Türkiyənin Bolu şəhərində təlim-məşq toplanışında olan “Neftçi”nin ikinci yoxlama görüşünün saatı dəyişdirilib.

Apasport.az saytının məlumatına görə, Bakı təmsilçisi iyulun 11-də yerli “Sivasspor”la qarşılaşacaq.

Super Liqa klubu ilə matçın öncədən Bakı vaxtı ilə saat 16:45-də start götürməsi planlaşdırılırdı. Lakin matçın daha erkən – 12:30-da start götürməsi qərara alınıb. Oyun “The Sign Esentepe Hotel & Ski Center”in stadionunda olacaq.

Laurentsiu Regekampf üçüncü sınaq matçının iyulun 14-də keçirilməsini planlaşdırır.

Qeyd edək ki, “Neftçi” Türkiyə toplanışındakı ilk yoxlama görüşündə TFF I Liqa təmsilçisi “Sakaryaspor”la qollu heç-heçə (1:1) edib.

• Mbappedən yeni rekord
• Ekvador millisinin baş məşqçisi istefa verdi
• Şou meydana qayıdır
• "Mançester Yunayted"də yeni təyinat
• 63 məşqçiyə sertifikat verildi