“Barselona” İspaniya La Liqasında yeni tarix yazıb. 

Apasport.az saytı xəbər verir ki, Kataloniya klubu doğma meydanda “Kadis”i (2:0) məğlub etməklə iki rekorda birdən imza atıb.

Son 22 turda qapısından cəmi 7 top buraxan komanda Primeroda ilkə imza atıb. Bunadək rekord 22 matçda 9 qol olub.

“Barselona” qapısını toxunulmaz saxlamaqda da İspaniya çempionatının ən yaxşısı adına yiyələnib. Kataloniyalılar La Liqada keçirilən 22 görüşün yalnız 5-də qol buraxıb ki, 17 “quru oyun”la rekord müəyyənləşdiriblər.

Bununla da "Barselona" 1993/94 mövsümündə 16 dəfə qapısında top görməyən "Deportivo"nun nailiyyətini geridə qoyub.
 

• İspaniya - İngiltərə finalının hakimi bəlli olub
• İki güləşçimiz finalda
• Trnavada ilk: 65-ci oldu
• "Trabzonspor"un əfsanəvi prezidenti vəfat edib
• Xulian Alvares: "Qvardiola mənə dedi ki, Argentina çox yaxşı komandadır"