Yaroslav Şilqavi Çexiya millisinin baş məşqçisi postundan istefa verib.

Apasport.az saytı xəbər verir ki, mütəxəssis komandası AVRO-2024-ün finalına vəsiqə qazandıqdan sonra bu addımı atıb.

Şilqavi çempionatın seçmə mərhələsinin son turunun Moldova ilə (3:0) matçından sonra keçirilən mətbuat konfransına qatılıb. İstefa qərarını jurnalistlər önündə açıqlayan 62 yaşlı mütəxəssis yığmaya finallarda uğurlar arzulayıb.

Qeyd edək ki, qrupunda keçirdiyi 8 oyunda 15 xal toplayan çexlər eyni xala malik Albaniya millisindən yalnız top fərqinə görə geri qalaraq ikinci yeri tutub.

• Gənc müdafiəçi Almaniya klubunda
• Millimizin AVRO-2024 şansı açıqlandı
• Futzalçılarımız Avropa çempionatının əsas mərhələsinə vəsiqə qazanıb
• Boksçularımızdan Belarusda rekord
• Dövrəyə derbi ilə yekun vurulur