Türkiyə təmsilçilərindən “Beşiktaş”ın azarkeşləri UEFA Avropa Liqasının VII həftəsində baş tutacaq “Tvente” ilə səfər matçına buraxılmayacaq. 

Apasport.az xəbər verir ki, Niderland təmsilçisi bu barədə "ağ-qaralar"ın vitse prezidentləri Mete Vardar və Onur Göçmezə rəsmi məktub göndərib. 

Məktubda qeyd edilib ki, "Beşiktaş"ın keçmişdə Avropada oynadığı matçlarda azarkeşlərin davranışı səbəbilə "Tvente" - "Beşiktaş" qarşılaşmasında qonaqların fanatlarına yer ayrılmayıb. 

İstanbul klub məsələ ilə bağlı UEFA-ya müraciət edib. 

“Qartallar” "Tvente" ilə matçın başqa bir şəhərdə və ya Niderlanddan kənarda - başqa bir ölkədə keçirilməsini istəyir. 

Qeyd edək ki, "Tvente" - "Beşiktaş" matçı yanvarın 30-u saat 00:00-da baş tutacaq.

• Yeniyetmə cüdoçularımız Dünya Çempionatında çıxış edəcək
• DÇ-2022: Qapıçı heyətdən çıxarıldı - Son anda
• Ramiz Məmmədov: “100 futbolçu üzə çıxara bilmiriksə, futbolu ləğv etməliyik” – OFSAYD
• "Zirə"nin kapitanı zədəsini sağaldıb
• Ançelotti Modriç və Kroos barədə qərar verib