Niderland millisinin və "Barselona"nın futbolçusu Memfis Depay "Atletiko" ilə müqavilə imzalayıb.

Apasport.az Madrid klubunun rəsmi saytına istinadən xəbər verir ki, müqavilə 2025-ci ilin yayına kimi nəzərdə tutulub.

"Barselona"nın mətbuat xidmətinin məlumatına görə, transferin dəyəri 3+1 milyon avro təşkil edir. Sövdələşməyə "Atletiko"nun vinqeri Yanik Karaskonun kataloniyalılar tərəfindən alınması variantı da daxildir.

Qeyd edək ki, bu mövsüm Memfis Depay "Barselona"nın heyətində bütün yarışlarda 4 matça çıxıb və 1 qol vurub. Ümumilikdə o, meydanda 206 dəqiqə keçirib. 28 yaşlı futbolçu daha əvvəl PSV, "Mançester Yunayted" və "Lion"da çıxış edib.

• Neymar doğma klubuna qayıdır
• “Qarabağ” Şahruddin Məhəmmədəliyevlə vidalaşdı
• "Şamaxı" Premyer Liqanın bir addımlığında - YENİLƏNİB
• "Neftçi" "Lokomotiv"in oyunçusuna elçi düşüb
• Azərbaycanda yeni idman növü yaradılıb