Çimərlik futbolu üzrə Azərbaycan millisinin dünya çempionatının seçmə mərhələsində keçirəcəyi oyunların təqvimi müəyyənləşib.

Apasport.az AFFA-nın rəsmi saytına istinadən xəbər verir ki, A qrupunda yer alan yığma oktyabrın 4-dən 15-dək İspaniyanın Kadis şəhərində İspaniya, İngiltərə və Gürcüstan kollektivləri ilə üz-üzə gələcək.

Sahib Məmmədovun baş məşqçisi olduğu komanda oktyabrın 4-də İngiltərə, bir gün sonra Gürcüstan milliləri ilə münasibətlərə aydınlıq gətirəcək. Hər iki qarşılaşma Bakı vaxtı ilə saat 14:45-də start götürəcək. Yığma oktyabrın 7-də, saat 20:00-da yerli komanda ilə görüşəcək.

Qeyd edək ki, Azərbaycan millisi sentyabrın 25-dən oktyabrın 3-dək Türkiyənin Alanya şəhərində təlim-məşq toplanışı keçəcək.

• Premyer Liqada üçüncü
• Belçika minimal fərqlə uduzdu - YENİLƏNİB
• "Sumqayıt" "Kəpəz" matçının biletləri satışa çıxıb
• "Qarabağ"ın legioneri "Sabah"ın radarına düşüb
• “Sabah”ın oyununun vaxtı açıqlandı