Qavi əməliyyat olundu

28.11.2023 - 21:53

"Barselona"nın yarımmüdafiəçisi Qavi sağ dizinin ön çarpaz bağından əməliyyat olunub.

Apasport.az xəbər verir ki, bu barədə Kataloniya klubunun mətbuat xidməti məlumat verib.

Uğurlu əməliyyat keçirən gənc futbolçunun bu zədədən sağalmasının 8-9 ay çəkəcəyi gözlənilir. 19 yaşlı futbolçu İspaniya millisinin heyətində AVRO-2024-ün seçmə mərhələsində Gürcüstan millisi ilə (3:1) oyunda zədələnib.

Qeyd edək ki, bu mövsüm “Barselona” forması ilə 15 matça çıxan oyunçu 2 qol və 1 məhsuldar ötürmə ilə yadda qalıb.