Çin Xalq Respublikasının dövlət himninin oxunması ilə başlanan tədbir müxtəlif nümunəvi çıxışlarla davam edib. Bundan sonra 204 iştirakçı ölkənin nümayəndə heyətinin rəsmi keçidi başlayıb. Əvvəlcə 2004-cü il Olimpiadasını təşkil etmiş Yunanıstan təmsilçiləri azarkeşlər önünə çıxıblar. Daha sonra digər ölkələrin nümayəndə heyətləri ardıcıllıqla stadionda görünməyə başlayıblar. Bakı vaxtı ilə saat 19:10-da isə Azərbaycan nümayəndə heyəti azarkeşlər qarşısına çıxıb. Yunan-Roma güləşi üzrə Olimpiya və dünya çempionu Fərid Mansurovun bayraqdarı olduğu heyətin tərkibində Azərbaycanın şef de-missionu İlham Mədətov, Gənclər və İdman Nazirliyinin digər rəsmiləri, məşqçilər və idmançılar yer alıblar. Onları stadionda mərasimi izləyən 80-dən çox ölkənin dövlət başçısı, o cümlədən Azərbaycan prezidenti İlham Əliyev ailə üzvləri ilə birgə salamlayıb.
Qeyd edək ki, avqustun 24-dək davam edəcək Pekin Olimpiadasında 10 mindən çox idmançı 38 növ üzrə 302 dəst medal uğrunda mübarizə aparacaq.

• MOK-un İcraiyyə Komitəsində 2 yeni üzv
• İlham Əliyev yenidən MOK-un prezidenti seçilib
• Sumqayıt şəhər birinciliyinin qalibləri müəyyənləşib
• Millimiz danimarkalılara da məğlub oldu
• Millimiz Danimarka yığması ilə görüşəcək