Azərbaycan millisi Bolqarıstanın paytaxtı Sofiyada keçirilən 23 yaşadək (U-23) boksçular arasında Avropa çempionatında ilk medalını rəsmiləşdirib.

Apasport.az xəbər verir ki, komandamızın aktivinə mükafatı Marjona Savriyeva yazdırıb.

50 kq çəkidə mübarizə aparan boksçumuz yarımfinalda Dominika Kuçjevska (Polşa) ilə üz-üzə gəlib. Görüşdə rəqib 4:1 (29:28, 29:28, 30:27, 30:27, 28:29) hesabı ilə qələbə qazandığından Savriyeva Avropa çempionatını bürünc medalla başa vurub.

Qeyd edək ki, yarımfinal mərhələsində yığmamızın daha 3 boksçusu rinqə çıxacaq.

• Üç boksçumuz beynəlxalq turnirdə yarımfinala yüksəlib
• Azərbaycan millisində yeni baş məşqçi - Rəsmi
• Boksçularımız “Drakula Open”də mübarizə aparacaq
• Cəlilabadda boks zalı fəaliyyətə başlayıb
• Azərbaycanın ən güclü yeniyetmə boksçuları bəlli olub